Мясніковіч ізноў абяцае ўраўняць курсы рубля
Ён заявіў, што гэта будзе зроблена ў бліжэйшыя месяцы.
Заява прэм’ер-міністра была зробленая на цырымоніі ўзнагароджання пераможцаў рэспубліканскага конкурсу "Лепшы прадпрымальнік 2010 года", паведамляе БЕЛТА.
Пры гэтым Міхаіл Мясніковіч адзначыў, што ўрад не пакіне беларускі рубель у вольным плаванні. Прэм’ер лічыць, што беларуская эканоміка зможа ўраўнавыжыць курсы рубля пасля стварэння неабходнага золата-валютнага запасу, а таксама зніжэння дэфіцыту знешняга гандлю.
