Макей: Улады Беларусі пачакаюць чарговага рашэння Савета ЕС
Беларусь гатовая вярнуцца да дыялогу з ЕС, але толькі пасля пазітыўнага рашэння для нашай краіны з боку Савета Еўрасаюза.
Паводле слоў кіраўніка Адміністрацыі прэзідэнта Уладзіміра Макея, улады Беларусі маюць намер пачакаць чарговага рашэння Савета ЕС па "беларускім пытанні", якое чакаецца ў канцы красавіка.
"Мы гатовыя да таго, каб пачаць нармальны, спакойны дыялог. Узаемаразуменне, думаю, будзе дасягнута вельмі хутка. І рашэнне ЕС (калі будзе прынятае ў духу дыялогу) стане выдатным фонам для вяртання амбасадараў у Беларусь", — цытуе словы Макея БЕЛТА.
Кіраўнік Адміністрацыі прэзідэнта адзначыў, што дзеячы еўрапейскіх краін больш думаюць пра тое, як захаваць свой твар, а не пра тое, як не згубіць Беларусь.
Фота — bymedia.net
