Антон Пуціла зменіць Бундэслігу на расійскую Прэм'ер-лігу
Беларускі паўабаронца нямецкага "Фрайбурга" ў бліжэйшыя тыдні можа пераехаць у Расію.
Як адзначае piter.tv, футбаліст выказвае незадаволенасць малой колькасцю гульнявога часу, які ён цяпер атрымлівае ў Бундэслізе. Прычына, на думку Пуцілы, ў тым, што трэнер "Фрайбурга" Крысціян Штрайх робіць упор на ўласных выхаванцаў.
Тэрмін кантракту Пуцілы з нямецкім клубам заканчваецца ўлетку 2013 года. Меркавалася, што ён зменіць клуб у зімовае трансфернае акно. Перыяд дазаявак у Еўропе зачынены і працягваецца толькі ў Расіі.
Фота — ru.uefa.com