Akute рыхтуюць сюрпрыз да фэста “Даём Рады”

На фестывалі “Даём Рады” гурт Akute адыграе праграму са сваіх лепшых песень. Апроч таго, музыкі рыхтуюць і адмысловы сюрпрыз, прычым, як для публікі, так і для арганізатараў канцэрту.

“Мы вырашылі падрыхтаваць песню спецыяльна да фестывалю,бо гэта ж першыя ўзнагароды ад “Еўрарадыё”, — крыху адкрывае таямніцу Раман Жыгараў. — Гэта будзе наша апрацоўка… калі так можна сказаць, перапрацоўка вядомай песні ў нашым “акутаўскім” стылі. Карацей, гэта будзе кавер, але мы не хацелі б раскрываць яго назву”.

Нагадаем, фестываль “Даём Рады” пройдзе 1-га лютага ў клубе Re:Public. Паміж выступамі гуртоў Clover Club, Avias, Re1ikt, :B:N:, “Дай Дорогу” ды Akute “Еўрарадыё” падвядзе музычныя вынікі мінулага году, заглядаючы нават у закуліснае жыццё нашых рокераў.

Пачатак імпрэзы ў 18:00, 1 лютага, клуб Re:Public (вул. Прытыцкага, 62). Кошт квіткоў: 60 тысяч для першых 100 чалавек, 70 тысяч для наступных 300, астатнія квіткі, а таксама ў дзень канцэрта — па 80 тысяч рублёў. За столікам — 90 тысяч і дыск у падарунак ад БМА!