Расійскія вайскоўцы "зачысцілі населены пункт" у Беларусі
"Зачыстка" населенага пункту / кадр з відэа
На палігоне ў Беларусі расійскія вайскоўцы правялі "зачыстку населенага пункту", паведамляе прэс-служба Мінабароны Расіі.
"Гэты "горад" на палігоне ў Беларусі пабудавалі спецыяльна для адпрацоўкі асноўных элементаў тактыкі. "Зачыстка" населенага пункта — адзін з іх. Дзейнічаць, для большай эфектыўнасці, трэба раптоўна", — падкрэсліваюць у расійскім вайсковым ведамстве.
Пад прыкрыццём агню цяжкай тэхнікі расійскія вайскоўцы блакавалі магчымыя шляхі адыходу і "прачасалі" населены пункт.
