Расіянін вёз праз Беларусь сумку з халоднай зброяй (фота)

У пункце пропуску "Брузгі" гродзенскія мытнікі даглядалі аўтобус "Neoplan", які ішоў з Польшчы ў Беларусь. У багажным аддзяленні аўтобуса мытнікі знайшлі чорную спартыўную сумку, не прад'яўленую да агляду.

Як паведамляе сайт Мытнага камітэта, у сумцы была незадаклараваная халодная зброя і камплектуючыя дэталі да агнястрэльнай. У прыватнасці, там былі штыкі армейскага ўзору, вайсковыя штык-нажы ў похвах, складныя прыклады (як мяркуецца, да аўтаматычнага зброі), прыцэльныя мушкі (як мяркуецца, да агнястрэльнай зброі), а таксама металічныя дэталі і часткі механізмаў. Гэтыя прадметы ўваходзяць у пералік тавараў, забароненых альбо абмежаваных да ўвозу на тэрыторыю Беларусі.

Ні кіроўца, ні пасажыры аўтобуса не прызналі сумку сваёй. Мытнікі правялі праверку і выявілі, што сумка са зброяй належыць грамадзяніну Расійскай Федэрацыі.

Мытнікі канфіскавалі незадэклараваны тавар. Ідзе праверка.

Фота — gtk.gov.by