Расіяне зноў абстралялі Украіну з тэрыторыі Беларусі
Расіяне зноў абстралялі Украіну з тэрыторыі Беларусі. Расійскія самалёты прыляцелі з РФ і паміж 19:30 і 19:40 запусцілі каля сямі ракет у паўднёва-заходнім напрамку над Акцябрскім, Жыткавіцкім і Петрыкаўскім раёнамі.
Пасля гэтага самалёты вярнуліся ў Расію — іх бачылі над Мсціслаўскім раёнам, які мяжуе з РФ.
Верагодна, ракеты, запушчаныя з Беларусі, трапілі ў аб'екты вайсковай інфраструктуры ў Сарнах Ровенскай вобласці Украіны.
