Расія нанесла чарговы ракетны ўдар па Украіне
![Пасля ракетнага ўдару / t.me/censor_net](/sites/default/files/styles/gallery_main/public/2023-08/Udar.jpg.webp?itok=tyfKLKnA)
Пасля ракетнага ўдару / t.me/censor_net
23 лістапада Расія нанесла чарговы ракетны ўдар па Украіне, піша hromadske.ua. Ракеты запусцілі самалёты стратэгічнай авіяцыі РФ. Атака зноў здзейснена на інфраструктурныя аб'екты. У некаторых гарадах знікла святло (напрыклад, цалкам у Львове, у Адэскай вобласці), вада. У Харкаве спынілася метро. Па ўсёй Украіне затрымліваецца рух цягнікоў. Парушаная праца ўкраінскіх АЭС.
Мэр Кіева Віталь Клічко паведамляе, што ракета трапіла ў адзін з інфраструктурных аб'ектаў у сталіцы, у некаторых раёнах знікла святло. Ракеты, як і падчас ранейшых абстрэлаў, траплялі і ў жылыя дамы. Ёсць загінулыя.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.