Пытанне легалізацыі чаявых афіцыянтаў у Беларусі яшчэ абмяркоўваецца
"Прапануецца ўлічваць чаявыя ў заробак афіцыянта" / Euroradio
Пытанне легалізацыі чаявых афіцыянтаў у Беларусі яшчэ абмяркоўваецца. Пра гэта ў эфіры тэлеканала "Беларусь 1" паведаміла намесніца міністра антыманапольнага рэгулявання і гандлю Ніна Емяльянава.
"Ёсць дзяржорганы, якія за легалізацыю чаявых..., — кажа Емельянава. — Прапануецца ўлічваць чаявыя ў заробак афіцыянта і адлічваць з іх падаходны падатак, але не поўны, а льготную стаўку".
Па словах прадстаўніцы МАРГ, канчатковага рашэння пакуль няма.
"Чаявыя — справа добраахвотная. Гэта ацэнка працы, ацэнка абслугоўвання, — кажа ў той жа праграме старшыня назіральнай рады Асацыяцыі рэстаратараў Беларусі Яўген Васільеў. — Вядома, калі браць досвед суседніх дзяржаў, то ў іх чаявыя ўжо па змоўчанні ўключаныя ў рахунак. У Беларусі, напэўна, ёсць нейкі традыцыйна замацаваны адсотак чаявых у памеры 10%. Але важна адзначыць, што вы маеце права самастойна ацаніць працу афіцыянта".
