Міліцыянты застрэлілі п'янага мужчыну пры затрыманні

У Рэчыцкі РАУС 19 лістапада каля паўночы паступіла паведамленне ад жыхара вёскі Ліскі. Яго дом абстралялі знаёмых.

Як выявілі міліцыянты, напярэдадні заяўнік распіваў спіртное ў кампаніі прыяцеляў, а потым пайшоў дадому. Два ягоныя сабутэльнікі (36 і 39 гадоў) прыйшлі да яго хаты і абвінавацілі мужчыну ў крадзяжы алкаголю. Падчас сваркі адзін з іх пагражаў расправіцца з гаспадаром дома і яго сям'ёй, зрабіў стрэл з паляўнічай стрэльбы ў плот.

Міліцыянты пайшлі па дамах нападнікаў. Малодшага з іх затрымалі дома. Другога з паляўнічай стрэльбай знайшлі на адной з вуліц вёскі. Мужчына не рэагаваў на неаднаразовыя патрабаванні пакласці зброю на зямлю. Ён ішоў са стрэльбай, накіраванай у бок міліцыянтаў і грамадзянскіх асоб. Паведамляецца, што міліцыянты зрабілі папераджальныя стрэлы ў паветра, а потым адзін на паражэнне. Параненага мужчыну даставілі ў лякарню, дзе ён памёр.

З месца здарэння былі канфіскаваныя паляўнічая стрэльба і больш за дзясятак патронаў да яе. Міліцыянты кажуць, што раней мужчына быў судзімы за разбой і рабаванне.