Прысуд палітзняволенай Сафіі Сапега агучаць у Гродне 6 траўня

Агулам абвінавачанні расіянцы выставілі па сямі артыкулах Крымінальнага кодэкса ("распальванне сацыяльнай варожасці", "незаконныя дзеянні ў дачыненні да інфармацыі аб прыватным жыцці..." і г. д.). З улікам дасудовага пагаднення са следствам Сафіі пагражае да шасці гадоў зняволення.

Сапега пісала прашэнне аб памілаванні. Толькі ў першыя месяцы пасля затрымання яна знаходзілася ў СІЗА КДБ, пасля яе перавялі пад хатні арышт.

Беларускія праваабаронцы яшчэ ў траўні 2021-га прызналі Сафію Сапега палітзняволенай.