Прыхільнікі Махамеда Мурсі ў Егіпце працягваюць пратэсты
Тысячы прыхільнікаў зрынутага прэзідэнта Егіпта працягваюць пратэсты ў Каіры, хаця часовы ўрад выдаў пастанову аб разгоне дэманстрацый.
Ісламісцкі рух "Браты-мусульмане" заявіў, што яму не пакінулі выбару, акрамя як працягваць сядзячыя страйкі. Па словах прадстаўнікоў руху, якія перадае ВВС, яны асцерагаюцца масавай разні, калі паліцыя выканае пастанову ўладаў.
Пры гэтым міністр унутраных спраў Егіпта заявіў, што паліцыя будзе разганяць дэманстрацыі паступова.
Улады ЗША раней заклікалі Егіпет паважаць свабоду сходаў.
Фота — ru.euronews.com
