Пры выбухах у сірыйскім Хомсе загінулі больш за 30 чалавек

У сірыйскім горадзе Хомсе прагрымелі два выбухі. Іх ахвярамі сталі 32 чалавекі, яшчэ 90 атрымалі ранненні, перадае РБК са спасылкай на Reuters. Адзін выбух адбыўся ў замініраваным аўтамабілі, другі ўчыніў тэрарыст-смяротнік.

Паведамляецца, што спярша падарваў сябе смяротнік, і амаль адразу за ім выбухнула замініраваная машына. Ёсць звесткі, што на месцы тэракту прагрымеў яшчэ адзін выбух — спрацавала выбуховае прыстасаванне.

Нагадаем, у цэнтры Хомса 12 снежня ўжо адбыўся тэракт, пры якім загінулі 16 чалавек. Тады выбухнуў замініраваны аўтамабіль. Адказнасць за атаку ўзяла на сябе так званая "Ісламская дзяржава".