Аўтамабіль урэзаўся ў натоўп на ЛГБТК-прайдзе ў Берліне
У першыя гадзіны нядзелі, 26 ліпеня 2026 года, паліцыя прачэсвала берлінскі парк Тыргартэн пасля таго, як мерапрыемствы Christopher Street Day былі скасаваныя / AP Photo
Увечары 25 ліпеня ў Берліне аўтамабіль урэзаўся ў натоўп удзельнікаў святкавання Christopher Street Day — найбуйнейшага ЛГБТК+ мерапрыемства ў Германіі. У выніку здарэння загінуў адзін чалавек, яшчэ як мінімум 16 атрымалі раненні, трое з іх знаходзяцца ў крытычным стане. Пасля інцыдэнту арганізатары скасавалі далейшыя мерапрыемствы прайду.
Паводле звестак паліцыі, каля 22:00 аўтамабіль выехаў на людзей на вуліцы Ленештрасэ, пасля чаго ўрэзаўся ў дрэва. Кіроўцу ўдалося ўцячы з месца здарэння. Праваахоўнікі ўстанавілі асобу меркаванага нападніка — ім аказаўся 21-гадовы Абдул Б. У паліцыі заявілі, што ён раней трапляў у поле зроку праваахоўных органаў і, паводле папярэдняй інфармацыі, звязаны з ісламісцкімі коламі. Жыхароў папярэдзілі, што падазраваны можа быць узброены і ўяўляе небяспеку.
Канцлер Германіі Фрыдрых Мерц назваў тое, што адбылося, “агідным злачынствам”. Паводле яго слоў, сотні тысяч людзей сабраліся ў Берліне, каб мірна адзначыць свята, прысвечанае ўзаемнай павазе і талерантнасці, а тое, што адбылося, стала “нападам на наша грамадства”. У нямецкай сталіцы працягваецца маштабная аперацыя па пошуку падазраванага.
