Прэм'ер Мясніковіч даручыў Шапіру спыніць рост імпарту
Адбылося гэта на сэсіі Мінскага абласнога савета дэпутатаў, якая зацвердзіла Сямёна Шапіру на пасадзе старшыні Мінаблвыканкама.
Прэм'ер-міністр Міхаіл Мясніковіч (на здымку) у сваім выступе звярнуў увагу на "трывожную тэндэнцыю". Аказалася, што ў Мінскай вобласці тэмп росту імпарту самы высокі ў краіне. Сёлета ён склаў больш за 118%. Мясніковіч адзначыў, што праблему трэба вырашаць, наладжваючы вытворчасць якаснай і канкурэнтаздольнай прадукцыі, якая заменіць імпарт.
У той жа час прэм'ер засцярог Шапіру ад "бяздумнага ўкладання грошай ў мадэрнізацыю прадпрыемстваў", паведамляе БелаПАН.
Фота — bymedia.net
