Прэм’ер-міністр Польшчы сышла ў адстаўку
![Прэм’ер-міністр Польшчы сышла ў адстаўку](/sites/default/files/styles/gallery_main/public/2023-08/2017-12-07t202633z_197355159_rc16744b3180_rtrmadp_3_poland-politics-government.jpg.webp?itok=hYNJxVhi)
Прэм’ер-міністр Польшчы Беата Шыдла сышла ў адстаўку. Яна ачольвала ўрад з лістапада 2015 года, пасля перамогі на парламенцкія выбарах партыі “Права і справядлівасць”. Цяпер на гэтую пасаду правячай партыяй вылучаная кандыдатура віцэ-прэм’ера, міністра фінансаў і развіцця Матэуша Маравецкага. Ён вядомы, як удзельнік антыкамуністычнага руху у ПНР (як і яго бацька).
Мяркуецца, што Шыдла вернецца ва ўрад, але ўжо будзе займаць пасаду намесніка прэм’ера (па іншай версіі — стане старшынёй Сейму). Дарэчы, у сераду “Грамадзянская платформа” прапаноўвала ў Сейме прагаласаваць за вотум недаверу ўраду Беаты Шыдла, але большасць гэтую прапанову адхіліла.