Праваабаронцы: у Беларусі ўжо 451 палітвязень

9 чалавек (Комбуль, Сіліч, Сілюк, Пыцель, Сыраватка, Красоўскі, Барынава, Муратава, Кацюбка) у траўні былі асуджаны судом Ленінскага раёна Брэста на тэрміны да 5 гадоў калоніі за замыканне чыгуначных рэек дротам, размалёўванне кіёска "Табакерка", вывешванне некалькіх пудзілаў з рознымі надпісамі (у тым ліку і "АМАП") і г. д. Тры чалавекі (Богдан, Ланкевіч і Іванцоў) у красавіку былі асуджаны судом Баранавіцкага раёна на тэрмін ад 2 да 3 гадоў калоніі агульнага рэжыму. На два гады пазбаўлення волі быў асуджаны судом Пухавіцкага раёна Розум. Суд Маладзечанскага раёна ў пачатку траўня адправіў у калонію агульнага рэжыму на год і дзевяць месяцаў Шабуню і Федукевіча.

Марына Сілёнак, яшчэ адна асуджаная па "брэсцкай справе" (на 1 год і 6 месяцаў "хіміі"), пачне лічыцца палітзняволенай з моманту пачатку адбыцця пакарання.