Праваабаронцу Насту Лойка не адпусцілі пасля 15 сутак арышту

Праваабаронца Наста Лойка не выйшла на волю пасля 15 сутак адміністратыўнага арышту. Інфармацыі пра яе месцазнаходжанне няма, паведамляе команда Human Constanta.

— Таксама перадачы для Насты і іншых адміністратыўна арыштаваных на Акрэсціна не прыймаюць. Увесь гэты час, як і мінулыя два разы, Наста знаходзіцца без лекаў і сродкаў асабістай гігіены, — распавядаюць праваабарнцы.

Пра затрыманне Насты стала вядома 28 кастрычніка, дома ў яе сілавікі правялі ператрус. Восенню 2022 года Наста Лойка ўжо адбыла на Акрэсціна 30 сутак адміністрыцыйнага арышту нібыта за “дробнае хуліганства”.

У апошні раз тг-каналы сілавікоў заявілі, што праваабаронца затрыманая па крымінальнай справе бо “садзейнічала экстрэмістскай дзейнасці.”