Польскі ўрад забароніць авіякампаніі LOT палёты над Беларуссю
![Польскі ўрад забароніць авіякампаніі LOT палёты над Беларуссю](/sites/default/files/styles/gallery_main/public/2023-08/lot-2405.jpg.webp?itok=mFBmv05R)
Польскі ўрад плануе загадаць нацыянальнаму авіяаператару LOT Polish Airlines прыпыніць палёты праз паветраную прастору Беларусі. Там асцерагаюцца, што беларускі рэжым можа захапіць польскі самалёт з пасажырамі.
Рашэнне можа быць прынятае сёння ці заўтра, паведамляе rmf24.pl. Цяпер беларускую прастору закранаюць толькі два рэйсы LOT: гэта палёты з Варшавы ў Мінск і ў Маскву.
Дарэчы, следам за AirBaltic яшчэ адна кампанія ўжо адправіла свой самалёт у аблёт Беларусі. Сённяшні рэйс кампаніі WizzAir Кіеў — Талін паляцеў праз Польшчу, абмінаючы паветраную прастору Беларусі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.