Латвійская авіякампанія AirBaltic адмовілася ад палётаў над Беларуссю
![Самалёт Ryanair пасля вымушанага сямігадзіннага прыпынку ў Мінску прыляцеў у Вільню / Reuters](/sites/default/files/styles/gallery_main/public/2023-08/abliot_24_05_2.jpg.webp?itok=jVhMUIZu)
Самалёт Ryanair пасля вымушанага сямігадзіннага прыпынку ў Мінску прыляцеў у Вільню / Reuters
Латвійская нацыянальная авіякампанія AirBaltic прыняла рашэнне не лётаць над Беларуссю пасля інцыдэнту з вымушанай пасадкай у Мінску самалёта кампаніі Ryanair. Пра гэта заявіў міністр транспарту гэтай краіны Таліс Лінкайтс у эфіры латвійскага радыё.
Паводле яго слоў, гэты інцыдэнт з'яўляецца неардынарнай сітуацыяй і выклікае шмат пытанняў наконт бяспекі палётаў у паветранай прасторы Беларусі. У сувязі з гэтым нацыянальная авіякампанія краіны AirBaltic, якая пільна сочыць за бяспекай, "прыняла рашэнне пакуль не выкарыстоўваць паветраную прастору Беларусі ў сваіх палётах", сказаў міністр.
Борт Ryanair ляцеў з Афін у Вільню, ужо на падлёце да беларуска-літоўскай мяжы развярнуўся і скіраваўся ў мінскі аэрапорт. Для суправаджэння самалёта ў паветра ўздымалі беларускі знішчальнік. Гэты манеўр ў Мінску патлумачылі паведамленнем аб міне на борце пасажырскага судна. Выбухоўкі не знайшлі. Але былі затрыманыя некалькі пасажыраў, у тым ліку журналіст Раман Пратасевіч, у дачыненні да якога ў Белаурсі распачатая крымінальная справа.
Паведамленні пра тое, што самалёты AirBaltic пачалі аблятаць тэрыторыю Беларусі, з'явіліся раніцай у панядзелак. Гэта стала вядома дзякуючы спецыялізаваным сайтам, якія дазваляюць адсочваць рух бартоў у рэальным часе.
![Латвийская авиакомпания AirBaltic отказалась от полетов над Беларусью](/sites/default/files/paragraphs/image/abliot2405.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.