Польскі клуб "Заглембе" аб'явіў пра адстаўку Аляксандра Хацкевіча
![Аляксандр Хацкевіч](/sites/default/files/styles/gallery_main/public/2024-04/232faa1d6a23aa8c927539ebaa5136b85d540fdb031be923024540.jpg.webp?itok=jplY5ppN)
Аляксандр Хацкевіч / gettyimages.com
Польскі клуб "Заглембе" аб'явіў пра адстаўку Аляксандра Хацкевіча. За тры месяцы супрацоўніцтва з культавым беларускім трэнерам каманда забіла ўсяго адзін гол, піша "Трыбуна".
Акрамя таго, клуб пакінулі спартовы дырэктар Міхаіл Залеўскі і трэнер-аналітык Уладзімір Аржанаў. Паведамляецца, што кантракты ануляваныя па дамове бакоў.
Аляксандр Хацкевіч узначаліў клуб з Сасноўца ў студзені 2024 года. Каманда займала апошняе, 18 месца ў польскай першай лізе. За тры месяцы футбалісты так і не змаглі выправіць сваё становішча ў турнірнай табліцы.
А іх апошні пройгрыш "Катавіцам" — 0:4 — стаў прычынай нападу на Хацкевіча фанатаў "Заглембе".
Новым трэнерам клуба стаў 45-гадовы паляк Марэк Саганоўскі.
Аляксандр Хацкевіч — беларускі футбаліст, трэнер зборнай Беларусі і кіеўскага "Дынама". Публічна падтрымаў пратэсты ў Беларусі і асудзіў вайну ва Украіне.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.