Вы тут

Пісьменнік Альгерд Бахарэвіч з жонкай з'ехаў з Беларусі

Альгерд Бахарэвіч / Еўрарадыё

Пісьменнік Альгерд Бахарэвіч і яго жонка — паэтка і перакладчыца Юлія Цімафеева пакінулі Беларусь. 

У сваім эсэ "Прызнанне", апублікаваным на сайце Радыё "Свабода", Бахарэвіч распавядае, як некалькі месяцаў хадзіў на вулічныя маршы і ганарыўся Мінскам. 

"У кастрычніку мяне апанавалі жах і скептыцызм. Зрабілася ясна, што гэтае супрацьстаянне будзе доўгім і жудасным. Зрабілася ясна, што ўсе размовы пра тое, што да перамогі засталося пару тыдняў, можна спакойна прагортваць, не чытаючы. Не, сумневаў у перамозе не было — замест іх з'явіўся ўсеўладны экзістэнцыйны жах", — канстатуе пісьменнік.

Бахарэвіч з жонкай атрымалі літаратурную стыпендыю ў аўстрыйскім Грацы. Пісьменнік называе свой ад'езд не эміграцыяй, а выгнаннем. Ён падкрэслівае, што палітычнага прытулку іх сям'я не прасіла.

"Я скарыстаю ўвесь свой не надта вялікі аўтарытэт і сваю ўмоўную вядомасць, каб свет ведаў, што адбываецца ў маёй краіне, і дапамог ёй.

Уласна, галоўнае, што я хачу тут зрабіць як пісьменнік — стрымаць тое сваё жнівеньскае абяцанне. Напісаць вялікі раман пра гэты жнівень, гэтую восень і зіму", — дзеліцца ён сваімі планамі. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.