Вы тут

Першы энергаблок БелАЭС, верагодна, дагэтуль не запусцілі

Каля Беларускай АЭС у Астравецкім раёне / З архіва Еўрарадыё

Першы энергаблок Беларускай АЭС, верагодна, дагэтуль не запусцілі. Аўтаматыка адключыла яго ад сеткі 12 ліпеня з невядомых прычын. Спецыялісты разбіраліся з гэтым. Пасля высвятлення прычын адключэння энергаблок абяцалі зноў уключыць ў працу.

Дагэтуль не паведамлялася, ці падключылі БелАЭС зноў. Падобна на тое, што яна ўжо два дня стаіць адключаная. Прадстаўнік Белэнерга Аляксандр Малькоў пракаментаваў Еўрарадыё сітуацыю: "Больш інфармацыі, чым тая, якая размешчана ў тэлеграм-канале Мінэнерга і Белэнерга, у мяне няма". А там апошняе паведамленне пра АЭС пра адключэнне.

Першы энергаблок БелАЭС урачыста ўключылі ў сетку ў лістападзе 2020 года. Ад таго часу і пачаліся адключэнні/уключэнні. Мінэнерга тлумачыла, што гэта неабходна для тэставання сістэмаў і абсталявання. Цяпер жа зусім іншая сітуацыя.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.