Перад прыездам Лукашэнкі вокны заклейвалі скотчам (фота)
24 кастрычніка кіраўнік Беларусі наведаў сталічны мікрараён Міхалова. Там здавалі дом, у які засяляюцца супрацоўнікі яго Службы бяспекі.
Яшчэ ўчора з вечара адзіны жылы дом у мікрараёне Міхалова-2 правярала міліцыя — апячатвала гарышчы, піша tut.by.
Сёння з 5-й гадзіны раніцы вайскоўцы ўнутраных войскаў у міліцэйскай форме рабілі абыход адзінага заселенага дома мікрараёна. Ужо ў 7.30 яны званілі ў кватэры, прасілі зачыніць усе вокны, якія выходзяць у бок двара.
Пасля 9-й гадзіны раніцы вокны кватэр, гаспадары якіх не адкрылі дзверы, сталі заклейваць скотчам.
Фота — tut.by
