Пенсіянера пад Баранавічамі забіла маланкай
Трагічнае здарэнне адбылося 18 траўня ў Баранавіцкім раёне: мужчыну забіла маланкай. Прадрабязнасці здарэння агенцтву БЕЛТА распавёў афіцыйны прадстаўнік УУС Брэсцкага аблвыканкама Сяргей Дучэнка.
У 15.35 медыкі паведамілі ў Баранавіцкае РАУС пра смерць мужчыны. 64-гадовы жыхар вёскі Ягаднае працаваў у гародзе, калі ў яго пацэліла маланка. Жонка выклікала хуткую, але медыкі толькі канстатавалі смерць мужчыны.
На месцы здарэння працуе следча-аператыўная група.
