Парламент Нідэрландаў ухваліў закон аб працы з дому
![Парламент Нідэрландаў ухваліў закон аб працы з дому](/sites/default/files/styles/gallery_main/public/2023-08/prac_0.jpg.webp?itok=yz7IPfr7)
Ніжняя палата парламента Нідэрландаў ухваліла закон аб працы з дому. Далей яго разгледзіць Сенат. У адпаведнасці з законам, супрацоўнікі прадпрыемстваў атрымліваюць магчымасць звяртацца да працадаўцы з просьбай аб працы з дому, калі характар іх дзейнасці дазваляе такі варыянт. Працадаўцы абавязаныя просьбу разгледзець.
Чакаецца, што гэты прэцэдэнт можа выклікаць рэвалюцыю ў працоўным заканадаўстве Еўропы. Юрысты лічаць, што прыклад Нідэрландаў падтрымаюць іншыя краіны Еўропы.
Масавы пераход на працу з дому практыкаваўся ў краінах ЕС падчас пандэміі каранавіруса. Калі абмежаванні сталі здымацца, пачалі адмаўляцца і ад дыстанцыйнай працы. Але яна аказалася зручнай для многіх людзей.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.