Парламент Каталоніі ухваліў рэзалюцыю аб незалежнасці
![Парламент Каталоніі ухваліў рэзалюцыю аб незалежнасці](/sites/default/files/styles/gallery_main/public/2023-08/1347422745_607304_49.jpg.webp?itok=Zo81uXKT)
Парламент іспанскай аўтаномнай вобласці Каталонія сёння, 9 лістапада, ухваліў план атрымання незалежнасці ў 2017 годзе.
“За” выказаліся 72 дэпутаты, 63 выступілі супраць.
Праект рэзалюцыі быў узгоднены яшчэ 27 кастрычніка. У дакуменце афіцыйна аб'яўляецца пра “пачатак працэсу стварэння незалежнай дзяржавы Каталонія ў выглядзе рэспублікі”. План прадугледжвае выхад са складу Іспаніі цягам 18 месяцаў.
Разам з тым, прэм’ер Іспаніі Марыяна Рахой паабяцаў абскардзіць дадзенае рашэнне ў Канстытуцыйным судзе краіны.
Пасля паступлення звароту ўрада ў КС, працэс аддзялення аўтаномнай вобласці будзе прыпынены да тых часоў, пакуль суддзя не вынесе вердыкт, паведамляе расійская служба ВВС.