Памёр экс-старшыня Еўракамісіі Жак Дэлор, які ўзначальваў яе тры тэрміны
Жак Дэлор / APA
Ва ўзросце 98 гадоў у Парыжы памёр былы старшыня Еўрапейскай камісіі Жак Дэлор, якога называюць архітэктарам сучаснага ЕС, перадае Бі-Бі-Сі.
Ён быў адным са стваральнікаў адзінага рынку, які забяспечвае свабоднае перамяшчэнне людзей, тавараў і паслуг унутры Еўрасаюза. Таксама Делор заклаў аснову для запуску адзінай еўрапейскай валюты — еўра.
Дэлор узначальваў Еўракамісію тры тэрміны — даўжэй, чым які-небудзь іншы палітык.
Падчас ягонага старшыньства ў ЕК было падпісана Шэнгенскае пагадненне па адмене памежнага кантролю паміж краінамі ЕС і запушчаная праграма абмену студэнтамі Erasmus.
У 1995 годзе Дэлор пакінуў сваю пасаду ў Еўракамісіі. Ён адмовіўся балатавацца на прэзідэнцкіх выбарах у Францыі, хоць у апытаннях лідзіраваў з вялікім адрывам.
