Паляк вёз праз мяжу беларускія цыгарэты ў слоіках з баршчом
![Цыгарэтная кантрабанда / Сигаретная контрабанда / lrmuitine.lt](/sites/default/files/styles/gallery_main/public/2023-08/bor64-0108.jpg.webp?itok=dJdfC3ZJ)
Цыгарэтная кантрабанда / lrmuitine.lt
Незвычайную цыгарэтную кантрабанду выявілі літоўскія мытнікі ў грамадзяніна Польшчы.
Мужчына перасякаў беларуска-літоўскую мяжу на ровары ў пункце пропуску "Райгардас" (з беларускага боку — "Прывалка"). Ён заявіў мытнікам, што не мае чаго дэклараваць. Тыя, аднак, вырашылі праверыць рэчы раварыста. У слоіках з баршчом яны знайшлі 29 пачкаў цыгарэт "Monte Carlo Red", "Minsk 5 Superslims", "Прэм'ер 7".
Цыгарэты былі канфіскаваныя, на паляка пачалі адміністрацыйную справу.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.