Палітзняволеную Алену Лазарчык асудзілі на восем гадоў калоніі

Магілеўскі абласны суд 19 верасня прысудзіў восем гадоў калоніі агульнага рэжыму актывістцы "Еўрапейскай Беларусі" Алене Лазарчык, паведамляе праваабарончы цэнтр "Вясна".

Справу разглядаў Павел Клімаў. Суд праходзіў у закрытым рэжыме, таму падрабязнасці працэсу невядомыя.

Жанчыну прызналі вінаватай па чатырох артыкулах Крымінальнага кодэкса: арт. 368 (абраза Лукашэнкі), арт. 361-1 (стварэнне экстрэмісцкага фармавання або ўдзел у ім), арт. 130 (распальванне варожасці ці варажнечы), арт. 342 (актыўны ўдзел у дзеяннях, якія груба парушаюць грамадскі парадак).

22 ліпеня КДБ унёс Алену Лазарчык у "спіс тэрарыстаў".

У 2020-м у Лазарчык забіралі ў прытулак сына-школьніка, калі яе затрымалі на допыце.