Палітвязень Арцём Баярскі асуджаны на 5 гадоў калоніі
Палітвязень Арцём Баярскі асуджаны на 5 гадоў калоніі ўзмоцненага рэжыму. Былога студэнта БДУ прызналі вінаватым у "стварэнні і кіраўніцтве экстрэмісцкім фарміраваннем", а таксама "ва ўдзеле ў дзеяннях, якія груба парушаюць грамадскі парадак". Прысуд быў агучаны 9 снежня ў Мінскім гарадскім судзе (суддзя — Алена Шылько).
Суд праходзіў у закрытым рэжыме.
Баярскі чатыры разы быў стыпендыятам спецыяльнага фонду прэзідэнта па падтрымцы таленавітай моладзі і адораных студэнтаў і навучэнцаў. Летась ён адмовіўся ад прэзідэнцкай стыпендыі на знак пратэсту супраць падзей у краіне. Студэнт удзельнічаў у акцыях пратэсту. Пасля чарговага затрымання яго выключылі з БДУ. Па версіі следства, Арцём Баярскі адміністраваў "экстрэмісцкі" рэсурс.
