На волю выйшаў палітвязень Аляксандр Францкевіч

Нагадаем, што Аляксандр Францкевіч быў асуджаны да трох гадоў пазбаўлення волі па так званай “справе анархістаў”. Ён адбываў пакаранне ў Івацэвіцкай калоніі “Воўчыя норы”.

Аляксандр нарадзіўся 6 траўня 1990 года ў Наваполацку. Пасля сканчэння ліцэю працаваў праграмістам. Пазней пераехаў жыць і працаваць у Мінск. Далучыўся да руху анархістаў, піша "Наша ніва".
 

На мінулым тыдні на волю выйшаў палітвязень Зміцер Дашкевіч, лідар незарэгістраванага ў Беларусі "Маладога фронту". За кратамі ён знаходзіўся ад снежня 2010 года.

***

У інтэрв'ю Радыё Свабода Францкевіч кажа, што ўвесь час адчуваў за кратамі ціск, але пад такім жа ціскам былі і іншыя зняволеныя. "Калі чалавек моцны, не важна па якіх прычынах ён сядзіць, то ён вытрымае", — кажа Аляксандр. "Мае погляды не змяніліся, а толькі ўмацаваліся", — дадае ён.

Нагадаем, Аляксандр Францкевіч — праграміст. У яго планах аднавіцца на ранейшай працы. “Да кампутара не дакранаўся тры гады, але калі бачыў яго ў турэмшчыкаў, ажно “рукі часаліся”, — прызнаецца ён.

Пад наглядам Францкевіч будзе жыць у Наваполацку, але спадзяецца перавесціся ў Мінск. 

Фота — svaboda.org, nn.by