Паказваем, дзе ў Мінску пройдзе трэцяе кальцо. Жыхары Курасоўшчыны ўжо супраць

Паказваем, дзе ў Мінску пройдзе трэцяе кальцо. Жыхары Курасоўшчыны ўжо супраць

— Ідзе да таго, што ў “Мінск-Свеце” размесцяць элітны квартал з таўнхаусамі і зробяць прыстойную зону адпачынку. А з нашага боку, дзе жыве 20 тысяч чалавек, па адзінай зялёнай зоне пракладуць чатырохпалосную магістраль, — абураецца экс-кандыдатка ў прэзідэнты Таццяна Караткевіч. Адзін з адрэзкаў трэцяга кальца, якое збіраюцца пабудаваць у Мінску, чыноўнікі плануюць перанесці ў Курасоўшчыну, дзе яна жыве, — літаральна пад вокны жылых дамоў.

Паказваем, дзе ў Мінску пройдзе трэцяе кальцо. Жыхары Курасоўшчыны ўжо супраць
Экс-кандыдатка ў прэзідэнты Таццяна Караткевіч і грамадскі актывіст Віктар Салаўёў

Сёння трэцяе кальцо існуе ў выглядзе асобных нязлучаных участкаў. Збольшага — на паўднёвым захадзе і поўдні Мінска. Найбольш працяглы ўчастак — 9 км — на ўсходзе сталіцы. Гэта вуліцы Кабушкіна, Радыяльная і Філімонава. У камітэце архітэктуры і горадабудаўніцтва Мінгарвыканкама (КАіГ) Еўрарадыё пацвердзілі, што фрагмент трэцяга кальца ў Лошыцы сапраўды плануюць перанесці на 150-200 метраў на поўдзень.

Паказваем, дзе ў Мінску пройдзе трэцяе кальцо. Жыхары Курасоўшчыны ўжо супраць
Па зялёнай зоне паміж жылымі дамамі і ракой Лошыцай можа прайсці дарога

Жыхары Курасоўшчыны абураныя такім развіццём падзей. 

— За 30 гадоў жыцця ў Курасоўшчыне мы прывыклі, што ў нас ёсць рэкрэацыйная зона ракі Лошыцы, якая спрыяе экалогіі і дае жыхарам адпачынак, магчымасць адчуць сябе на прыродзе. Нас з усіх бакоў атачаюць заводы: “Керамін”, “Крэон”, цагельны завод. Яны выдзяляюць багата шкодных рэчываў. Нават Міністэрства аховы здароўя пацвердзіла: у Курасоўшчыне ўзровень захваральнасці жыхароў у пяць разоў вышэйшы за іншыя раёны Мінска, — расказвае Еўрарадыё жыхар Курасоўшчыны Віктар Салаўёў.

Паказваем, дзе ў Мінску пройдзе трэцяе кальцо. Жыхары Курасоўшчыны ўжо супраць
Раней 3-е кальцо мусіла прайсці па паўночным баку Лошыцы, дзе пустэча (чырвоная лінія), цяпер — па паўднёвым баку, дзе зялёная зона (зялёная лінія)

Першапачаткова адрэзак трэцяга кальца, пра які ідзе гаворка, быў запраектаваны па паўночным беразе ракі Лошыцы — з боку былога аэрапорта. Аднак планы змяніліся: праекціроўшчыкі пераносяць дарогу на іншы бераг, у мікрараён Курасоўшчына.

— Там векавыя дрэвы, зімародак з Чырвонай кнігі. Там жа і стадыён, дзе займаюцца дзеці, — працягвае Таццяна Караткевіч. — У самым шырокім месцы адлегласць ад ракі да жылых дамоў — 190 метраў. Дарога зойме 60 метраў, плюс ходнікі і адкосы.

Паказваем, дзе ў Мінску пройдзе трэцяе кальцо. Жыхары Курасоўшчыны ўжо супраць

Палітык звяртае ўвагу на нескаардынаванасць дзеянняў розных ведамстваў паміж сабой.

— Проста цяпер там высаджваюць дрэвы. У свой час я прасіла, каб на стадыёне ўсталявалі пляцоўку для варкаўту. Гэта зрабілі за бюджэтныя сродкі. Каб цяпер знесці?

Чаму Мінску ўвогуле патрэбнае трэцяе кальцо?

Пасля Другой сусветнай вайны Мінск быў перабудаваны так, што вялікія вуліцы прамянямі разыходзяцца з цэнтра да ўскрайкаў горада. Асновай новай вулічнай сістэмы сталі два “дыяметры”, аб’яднаныя кальцавымі магістралямі. Гэта называецца радыяльна-кальцавая планіроўка.

“Дыяметры”, пра якія ідзе гаворка, гэта сучасныя праспект Незалежнасці — праспект Дзяржынскага і Партызанскі праспект — вуліца Прытыцкага. Але часам такая сістэма стварае праблемы для жыхароў суседніх мікрараёнаў. Напрыклад, каб даехаць з Лошыцы ў Курасоўшчыну, трэба або вяртацца ў цэнтр на другое кальцо, або, наадварот, кіравацца да ўскраіны горада — на МКАД.

Паказваем, дзе ў Мінску пройдзе трэцяе кальцо. Жыхары Курасоўшчыны ўжо супраць
Меркаваная траса 3-га кальца: зялёная — план да 2030 года, ружовая — аддаленая перспектыва

Варыянта “не пабудаваць трэцяе кальцо” ў горада няма

Зручнаму і хуткаму руху пешаходаў, раварыстаў, транспарту і асабістых аўто замінаюць натуральныя і штучныя перашкоды: рэчкі і чыгунка. Трэцяе транспартнае кальцо закліканае вырашыць гэтую праблему і злучыць суседнія раёны Мінска.

Але гэта не мусіць адбывацца шляхам пагаршэння ўмоваў жыцця ў тым ці іншым раёне. Напрыклад, у Курасоўшчыне, жыхары якой цяпер вядуць перапіску з чыноўнікамі.

Паказваем, дзе ў Мінску пройдзе трэцяе кальцо. Жыхары Курасоўшчыны ўжо супраць

Праз рэльеф жылыя дамы пад пагрозай разбурэння.

— Спярша ў Мінгарвыканкаме нам адказалі так: дарогу там будаваць не будудуць, замест яе з’явіцца экасцяжына, а стадыён застанецца на сваім месцы. Але неўзабаве рыторыка змянілася: стадыён перанясуць на тэрыторыю паміж дзіцячым садам і домам. Аднак там замала месца для стадыёна! — расказвае Віктар Салаўёў.

На думку жыхароў, каб будаваць трэцяе кальцо праз Лошыцу і пры гэтым вытрымаць нарматыўную адлегласць ад садка і школы, трэба пераносіць рэчышча ракі. Але ці пойдуць улады на такія расходы?

 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі