Падзенне самалёта ў Слоніме: стала вядома імя аднаго з загінулых пілотаў
![Падзенне самалёта ў Слоніме: стала вядома імя аднаго з загінулых пілотаў](/sites/default/files/styles/gallery_main/public/2023-08/photo_2022-08-14_14-21-04.jpg.webp?itok=6F6dC1ZT)
Сярод загінулых пры падзенні самалёта 13 жніўня пілотаў быў Сяргей Доўгаль, дырэктар “VRP Avia”. Ён быў у авіяцыі з 1984 года і налётаў звыш 3200 гадзін. Пра гэта на сваёй старонцы ў Фэйсбуку напісала Анастасія Ціхановіч.
Сяргей Доўгаль заснаваў дабрачынны фонд дапамогі дзецям і дарослым інвалідам, якія пражываюць у псіханеўралагічных інтэрнатах, і людзям з абмежаванымі магчымасцямі імя народнага артыста Беларусі Аляксандра Ціхановіча "Спірос”.
У суботу падчас святкавання 770-годдзя Слоніма разбіўся легкаматорны самалёт, які рабіў прагулачныя палёты. Загінулі два пілоты.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.