Новы пасол Швейцарыі ўручыла Макею копіі даверчых грамат
![Новы пасол Швейцарыі ўручыла Макею копіі даверчых грамат](/sites/default/files/styles/gallery_main/public/2023-08/22.02.09_makei_swiss.jpg.webp?itok=qzPYHART)
9 лютага новы пасол Швейцарыі ў Беларусі Крысцін Хонэгер-Залатухін уручыла міністру замежных спраў РБ Уладзіміру Макею копіі даверчых грамат. Пра сустрэчу паведамляе прэс-служба МЗС нашай краіны. Адзначаецца, што гаворка ішла пра "актуальны стан і перспектывы развіцця супрацоўніцтва Беларусі і Швейцарыі", у тым ліку ў палітычнай і гуманітарнай галінах.
Наперадзе — уручэнне даверчых грамат Аляксандру Лукашэнку. Раней у МЗС Швейцарыі патлумачылі, што гэта не з'яўляецца актам яго прызнання (на Захадзе не прызнаюць легітымнасць Лукашэнкі).
Новы пасол адразу ж збіраецца заняцца лёсам беларускай палітзняволенай, грамадзянкі Швейцарыі Наталлі Хершэ. За ўдзел у пратэстах у Мінску яна ў снежні 2020-га была асуджана на 2,5 года калоніі строгага рэжыму. Хершэ трымаецца мужна: аб'яўляе галадоўкі, адмаўляецца пісаць памілаванне на імя Аляксандра Лукашэнкі.
Улады Швейцарыі працяглы час дамагаюцца вызвалення сваёй грамадзянкі.
![Новы пасол Швейцарыі ўручыла Макею копіі даверчых грамат](/sites/default/files/paragraphs/image/220209makeiswiss2.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.