Нобелеўскую прэмію па хіміі далі за развіццё крыаэлектроннай мікраскапіі
4 кастрычніка Нобелеўскі камітэт назваў лаўрэатаў у галіне хіміі. Сёлета прэстыжную прэмію ўручаць швейцарцу Жаку Дзюбашэ, амерыканцу Ёахіму Франку і брытанцу Рычарду Хендэрсану.
Навукоўцы атрымалі Нобелеўскую прэмію "за распрацоўку крыаэлектроннай мікраскапіі высокага распазнавання для вызначэння структуры біямалекул у растворы", перадае Бі-Бі-Сі.
Летась прэмію ў галіне хіміі аддалі Жан-П'еру Саважу, Бернарду Ферынге і Фрэзеру Стодарту "за праектаванне і сінтэз малекулярных машын".
Цырымонія ўручэння Нобелеўскай прэміі традыцыйна праходзіць у сталіцы Швецыі ў гадавіну смерці Альфрэда Нобэля — 10 снежня. У 2017 годзе памер прэміі складзе 9 млн шведскіх крон (прыкладна 1,1 млн долараў).
BREAKING NEWS The 2017 #NobelPrize in Chemistry is awarded to Jacques Dubochet, Joachim Frank & Richard Henderson. pic.twitter.com/RUZSnArJHO
— The Nobel Prize (@NobelPrize) 4 октября 2017 г.
Watch the very moment the 2017 #NobelPrize in Chemistry is announced! pic.twitter.com/xwoThkOpn8
— The Nobel Prize (@NobelPrize) 4 октября 2017 г.
