Нікас Сафронаў: Працаваў з Лукашэнкам, але ў яго то пасяўная, то яшчэ нешта
У Брэсце адкрылася выстава вядомага расійскага мастака. На ёй прадстаўленая невялікая карціна "Лукашэнка ў касцюме часоў Францыска Скарыны".
Мастак прызнаўся ў Брэсце, што даўно хоча напісаць партрэт кіраўніка Беларусі "ў класічным стылі... ўжывую". І ён, нібыта, мае адпаведную дамоўленасць з Аляксандрам Лукашэнкам.
"Ён ці саромеецца, ці сціпла сябе паводзіць. І заняты вельмі моцна: то ў яго пасяўная, то яшчэ нешта. Ён мне не пазіраваў спецыяльна, я проста з ім крыху папрацаваў", — цытуе словы Нікаса Сафронава сайт kp.by.
БЕЛТА дадае: "Лічу, што ён [Лукашэнка] ужо не належыць сабе, а таму павінен пазіраваць мастакам", — сказаў Сафронаў.
Фота — b-g.by
