Ні мужчына, ні жанчына: У Нямеччыне прызналі ніякі пол
Зараз графу "пол" ў пасведчаннях аб нараджэнні можна не запаўняць.
Новы закон, які ўступіў у сілу 1 лістапада, дазволіць бацькам дзяцей з прыкметамі і мужчынскага, і жаночага полу, не запаўняць гэтую графу ў пасведчанні аб нараджэнні. Нямецкі савет па этыцы правёў даследаванне і зрабіў выснову, што правы гермафрадытаў павінны быць абароненыя.
У новым законе гаворыцца, што “калі не прадастаўляецца магчымасці вызначыць пол дзіцяці, ён павінен быць зарэгістраваны без гэтага статусу”.
Па афіцыйных дадзеных, з 2007 года ў Нямеччыне нараджаецца як мінімум 150 дзяцей-гермафрадытаў штогод, паведамляюць інфармагенцтвы.