Не толькі самалёты: касмічны карабель ад Boeing прыстыкаваўся да МКС
Старт карабля Starliner / John Raoux/AP
Капсула касмічнага карабля Starliner ад кампаніі Boeing прыстыкавалася да Міжнароднай касмічнай станцыі. Гэта першы выпадак, калі кампанія, вядомая як вытворца самалётаў, змагла правесці запуск касмічнага карабля з экіпажам на борце.
На борце знаходзяцца два астранаўты NASA — Бары "Буч" Уілмар і Суніта "Суні" Уільямс.
У ходзе палёту выявілася ўцечка гелію з сістэмы рухавікоў касмічнага карабля. Праз гэта некалькі з 28 рухавікоў выйшлі са строю, паведамлялі NASA і Boeing. Тым не менш сцвярджаецца, што астранаўты ў бяспецы і ў выпадку неабходнасці змогуць задзейнічаць рэзервовыя рухавікі.
Цяпер астранаўты правераць адкрыццё і закрыццё люка Starliner, а потым прааналізуюць, як касмічны карабель адаптуецца да МКС. Яны прабудуць на станцыі 8 дзён.
Boeing трансляваў працэс стыкоўкі Starliner на X.
Live from @NASA_Johnson Mission Control: #Starliner commander Butch Wilmore & pilot @Astro_Suni dock with @Space_Station.
— Boeing Space (@BoeingSpace) June 6, 2024
🔵 Docking ~12:15 p.m. ET
🔵 Hatch opening & welcome ~2 p.m. ET
🔵 Starliner crew in-flight event with @NASA leadership ~6 p.m. ET https://t.co/IypTp4OwHy
