Навальніца абясточыла 756 населеных пунктаў Беларусі
Асабліва пацярпелі раёны ў Гродзенскай, Гомельскай і Мінскай абласцях.
З-за навальніцы і моцнага ветру 23 ліпеня ў Беларусі было абясточана 756 населеных пунктаў. Па стане на 6.00 24 ліпеня без электразабеспячэння заставаўся 21 населеных пункт, паведамляе МНС.
Парывы ветру дасягалі 21 метра за секунду і прынеслі некаторыя пашкоджанні. Пацярпелі 42 населеныя пункты ў Гомельскай вобласці (Лельчыцкі раён), Гродзенскай вобласці (Навагрудскі, Зэльвенскі, Слонімскі, Ваўкавыскі раёны) і ў Мінскай вобласці (Валожынскі, Любанскі, Мінскі і Пухавіцкі раёны). Тут пашкоджаныя дахі 49 жылых дамоў і 91 сельскагаспадарчага будынка.
У Жыткавічах (Гомельская вобласці) падчас навальніцы з моцнай залевай выпала амаль палова месячнай нормы ападкаў.
Каля вёскі Вязынка ў Маладзечанскім раёне Мінскай вобласці ад парыву ветру дрэва павалілася на кантактныя правады над чыгункай — рух электрычак прыпыніўся на гадзіну.
