Навабранец, які ўцякаў з часці пад Лепелем, рыхтуецца да прысягі
У Мінабароны заяўляюць, што прычыны адлучкі асабістыя: "Не ва ўсіх атрымліваецца адразу прывыкнуць да новага ладу жыцця".
Салдат-навабранец, які ўцякаў з вайсковай часці ў Лепельскім раёне, рыхтуецца да прысягі. Пра гэта афіцыйная прадстаўніца Мінабароны Наталля Гаўрусік напісала на сваёй старонцы ў Фэйсбуку.
Па яе словах, прычыны адлучкі салдата — асабістыя. Гэтак Гаўрусік пракаментавала каментары ў сацсетках пра тое, што салдат мог уцячы ад дзедаўшчыны. "Не ва ўсіх атрымліваецца адразу прывыкнуць да новага ладу жыцця", — патлумачыла прадстаўніца Мінабароны.
Як распавядала Еўрарадыё, уначы 11 снежня з вайсковай часці 71327 каля вёскі Заслонава Лепельскага раёна ўцёк салдат-навабранец без зброі. У той жа дзень ён знайшоўся.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.