На выходных будзе да +17 градусаў
29 сакавіка ў Беларусі чакаецца воблачнае з праясненнямі надвор'е, інфармуе Белгідрамет.
Будзе пераважна без ападкаў, толькі ўначы і зранку па ўсходзе пройдуць невялікія ападкі ў выглядзе мокрага снегу і дажджу. Зранку месцамі па краіне прагназуецца слабы туман. Вецер будзе заходні 5-10 метраў за секунду, днём парывы дасягнуць 12-14 метраў за секунду.
Уначы будзе ад 3 градусаў марозу да 3 цяпла, удзень паветра прагрэецца да 7-13 вышэй за нуль.
30 сакавіка захаваецца воблачнае з праясненнямі надвор'е. Будзе пераважна без ападкаў. Вецер прагназуецца заходні ўмераны. Уначы чакаецца 0...+6, удзень слупок тэрмометра пакажа 10-17 са знакам "плюс".
У нядзелю, 31 сакавіка, таксама будзе воблачна з праясненнямі. Уначы ў асобных раёнах, а зранку і ўдзень на большай частцы тэрыторыі краіны пройдуць кароткачасовыя дажджы. Вецер чакаецца заходняй чвэрці, умераны. Тэмпература паветра ўначы будзе 2-7 цяпла, удзень ад 8 да 14 вышэй за нуль. Па паўднёвым усходзе краіны прагназуецца 15-16 са знакам "плюс".
