На волю выйшаў палітвязень Іван Кашко
![Іван Кашко](/sites/default/files/styles/gallery_main/public/2024-09/kaszko.jpg.webp?itok=4erD2HkW)
Іван Кашко / spring96.org
На волю па памілаванні выйшаў палітвязень Іван Кашко. Пра гэта паведаміў прапагандыст Юрый Васкрасенскі. Паводле яго слоў, падчас разгляду справы на пасяджэнні камісіі "разгарэлася вельмі шырокая дыскусія" і Кашко атрымаў "аванс з перавагай у адзін голас". Атрымліваецца, што частка прапагандыстаў і сілавікоў былі супраць яго вызвалення.
Івану Кашко 37 гадоў. Ён — байкер з Ліды. Быў затрыманы ў кастрычніку 2022-га, а праз два месяцы асуджаны Гродзенскім абласным судом да пазбаўлення волі паводле пяці крымінальных артыкулаў за каментары ў інтэрнэце (тэрмін праваабаронцам невядомы). Рэжым Лукашэнкі дадаў яго ў "спіс тэрарыстаў" і "спіс экстрэмістаў".
Праваабаронцам вядомы імёны ўжо 10 вызваленых палітвязняў з 30.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.