На волю выйшаў гомельскі палітвязень — уладальнік сеткі крамаў "Красотка"
![Павел Бабчанок](/sites/default/files/styles/gallery_main/public/2023-11/bab4anok-2911.jpg.webp?itok=reXENb1N)
Павел Бабчанок / кадр з відэа сілавікоў
28 лістапада на волю выйшаў бізнесовец і палітвязень з Гомеля Павел Бабчанок. Як піша "Гомельская Вясны", мужчына цалкам адбыў пакаранне.
Бабчанок — уладальнік сеткі крамаў "Красотка". Затрымалі яго ў сакавіку 2022-га на працоўным месцы: амапаўцы прыйшлі ў адну з крам і начапілі кайданкі на ўладальніка.
Нагодай стала тое, што на сваёй старонцы "Вконтакте" Бабчанок апублікаваў скрыншот кадра з вулічнага марша, які адбыўся ў Гомелі ў верасні 2020-га. На карцінцы было бачна, як міліцыянты збіваюць чалавека. У сваім каментары гамяльчук асудзіў такія дзеянні.
За гэта яго абвінавацілі ў распальванні варожасці і прысудзілі два гады пазбаўлення волі. Праваабаронцы прызналі яго палітвязнем.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.