На топ-менеджара PandaDoc пачалі крымінальную справу
![На топ-менеджара PandaDoc пачалі крымінальную справу](/sites/default/files/styles/gallery_main/public/2023-08/kuwshynau-0309.jpg.webp?itok=LtS7RUeR)
На топ-менеджара PandaDoc Віктара Куўшынава пачалі крымінальную справу паводле артыкула 210 Крымінальнага кодэкса. Пра гэта са словаў адваката паведаміла яго жонка Аляксандра Дзікан.
Артыкул 210 — "Крадзеж шляхам злоўжывання службовым становішчам". Куўшынаву пагражае ад 5 да 12 гадоў пазбаўлення волі.
Як распавядала Еўрарадыё, 2 верасня ў офіс кампаніі PandaDoc прыйшлі з ператрусам сілавікі з Дэпартамента фінансавых расследаванняў. Таксама ператрусы адбыліся дома ў некаторых супрацоўнікаў кампаніі. Прайшоў ён і дома ў Куўшынава.
Дарэчы, у ліпені 2020 года Віктара Куўшынава затрымалі, калі ён нёс у КДБ паручальніцтва за затрыманага Віктара Бабарыку. У аўтазаку ён сустрэўся з родным братам Аляксандрам.
Заснавальнік і дырэктар PandaDoc Мікіта Мікада адкрыта крытыкаваў дзеянні беларускай улады і прапановаў дапамогу (у тым ліку матэрыяльную) сілавікам, якія захочуць звольніцца з органаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.