На суткі, верагодна, трапіў гомельскі блогер Максім Філіповіч
![Максім Філіповіч](/sites/default/files/styles/gallery_main/public/2023-12/filipovicz-2812.jpg.webp?itok=JkiwijVq)
Максім Філіповіч / svaboda.org
Гомельскі блогер Максім Філіповіч, верагодна, трапіў на суткі, пішуць праваабаронцы "Гомельскай Вясны".
Паведамляецца, што яго асудзілі за распаўсюд "экстрэмісцкіх" матэрыялаў (арт. 19.11 КаАП).
Філіповіч атрымаў шырокую вядомасць у 2017 годзе падчас "дармаедскіх" пратэстаў. Аднак неўзабаве пасля таго ён стаў крытыкаваць пратэсты і дэмакратычныя сілы. Падчас расійскага ўварвання ва Украіну Філіповіч падтрымаў Расію.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.