Вы тут

На пункце прыёму буракоў у Баранавічах загінуў мужчына

Месца трагедыі / Следчы камітэт

У Баранавічах 2 кастрычніка пад аўтамабілем МАЗ загінуў 47 гадовы рабочы, паведамляе прэс-служба Следчага камітэта. Як удакладняе "Intex-press", трагічны інцыдэнт адбыўся на буракапрыёмным пункце, які належыць Жабінкаўскаму цукроваму заводу.

Каля 10:30 МАЗ з паўпрычэпам. якім кіраваў 46-гадовы жыхар Ляхавіцкага раёна, ехаў па тэрыторыі прадпрыемства. Падчас руху пад машыну трапіў 47-гадовы рабочы. Ад траўмаў мужчына памёр на месцы здарэння.

Следчы камітэт пачаў крамінальную справу на кіроўцу. 

На прадпрыемстве ўдакладняюць, што загінулы мужчына працаваў сезонным рабочым. "Вельмі добры быў работнік, ён у нас трэці сезон працаваў", — кажуць на буракапрыёмным пункце. 

Кіроўца грузавіка быў цвярозы.

Месца трагедыі / Следчы камітэт

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.