Вы тут

На наступным тыдні пяць станцыяў мінскага метро зачыняць на два дні

Мінскае метро / СТВ

21 і 22 сакавіка (субота і нядзеля) для пасажыраў будуць зачыненыя пяць станцыяў на Аўтазаводскай ліні метро — ад "Моладзевай" да "Каменнай Горкі" ўключна. 

Як паведамляе прэс-служба метрапалітэна, гэта звязана з будаўніцтвам трэцяй лініі метро: будзе праводзіцца ўрэзка стрэлачнага пераводу прымыкання злучальнай галінкі паміж другой і трэцяй лініямі метро.

Супрацоўнікі метро спасылаюцца на вялікі аб'ём працы: асноўныя работы па ўрэзцы стрэлачнага пераводы будуць рабіцца з 1:30 21 сакавіка па 5:00 23 сакавіка.

Цягнікі па другой лініі ў гэтыя дні будуць хадзіць толькі паміж станцыямі "Магілёўская" і "Фрунзенская". 

Метрапалітэн просіць прабачэння за часовую нязручнасць і рэкамендуе карыстацца кампенсацыйнымі маршрутамі наземнага грамадскага транспарту.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.