На МТЗ зноў быў пажар
![Ратавальнікі другі дзень запар на МТЗ](/sites/default/files/styles/gallery_main/public/2023-11/mtz2.jpg.webp?itok=DSEUJAbS)
Ратавальнікі другі дзень запар на МТЗ / t.me/mchs112by/
На Мінскім трактарным заводзе зноў быў пажар. На гэты раз узгаранне адбылося ў механічным цэху.
Як паведамляе прэс-служба МНС, у аднапавярховым цагляным будынку загарэліся электрарухавік каларыфера і адклады ў паветраводзе цеплавой заслоны ўязной брамы.
Адзначаецца, што ніхто з людзей не пацярпеў. Спецыялісты высвятляюць прычыну ўзгарання.
Напярэдадні пажар ліквідавалі ў сталеліцейным цэху МТЗ.
![На МТЗ зноў быў пажар](/sites/default/files/styles/default_image_paragraph/public/paragraphs/image/MTZ1.jpg.webp?itok=Q0sb9oLN)
t.me/mchs112by/
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.