На кіеўскім Майдане праходзіць дзясятае Народнае Веча
У цэнтры ўкраінскай сталіцы сабралася каля 10 тысяч чалавек.
Як перадае УНІАН, перад мітынгоўцамі выступаюць грамадскія актывісты — Ігар Луцэнка, Таццяна Чарнавіл, Руслана Ліжычка. Апроч таго, выступаюць народныя дэпутаты — Уладзімір Яварыўскі, Арсеній Яцэнюк, Віталь Клічко і Алег Цягнібок.
Са сцэны Майдану прагучалі заклікі пікетаваць парламент, арганізаваць Усходні Майдан, а таксама прапанова прэзідэнту Віктару Януковічу зладзіць на плошчы публічныя дэбаты.
Народнае Веча праходзіць у Кіеве амаль кожную нядзелю, з канца лістапада 2013 года, калі ва Украіне пачаліся пратэсты супраць палітыкі ўраду.
